KAPITULLI 4 – Më shumë Gropa të tjera

.....Kapitulli 3                                                                            Kapitulli 5........

KAPITULLI 4 – Më shumë Gropa të tjera

Natën tjetër Jesusi dhe unë shkuam përsëri në këmbën e djathtë të ferrit. E pashë ashtu si më parë dashurinë që Jesusi kishte për shpirtrat që janë të humbur në ferr. Dhe e ndjeva dashurinë e Tij për mua dhe për të gjithë ata që ishin në tokë.

“Bijë,” më tha Ai, “nuk është vullneti i Atit që dikush të humbasi. Satani mashtron shumë dhe ata e ndjekin atë. Por Zoti fal. Ai është Zoti I dashurisë. Nëse këta do të ktheheshin me të vërtetë tek Ati dhe të pendoheshin, Ai do t'i kishte falur.” Butësia mbuloi fytyrën e Jesusit ndërsa fliste. 

Përsëri ne ecnim mes gropave me flakë dhe kalonim pranë më shumë njerëzve që kalonin torturat e shpjeguara më parë. Zot im, Zoti im, çfarë tmerresh- mendoja unë. Ndërsa vazhdonim linim pas shume e shumë shpirtra që digjeshin në ferr.

Gjatë gjithë udhës duar që digjeshin zgjateshin drejt Jesusit. Ato ishin vetëm kocka, ku mishi mund të ishte një masë ngjyrë hiri me copa mishi që digjeshin dhe vareshin copë copë. Brënda çdo forme skeleti ishte një shpirt në formë mjergulle ngjyrë hiri I mbërthyer përgjithmonë brënda një skeleti të thatë. Mund ta kuptoja nga britmat e tyre se ata e ndjenin zjarrin, krimbat, dhimbjen dhe asnjë shpresë. Dhe britmat e tyre e mbushën shpirtin tim me një pikëllim kaq të madh sa nuk mund ta përkshkruaj. Vetëm po të kishin dëgjuar, mendoja unë, ata nuk do të ishin këtu.

E dija se të humburit në ferr I kishin të gjitha shqisat. Ata mund të mbanin mënd gjithçka që u ishte thënë ndonjëherë. Ata e dinin se nuk kishte rrugedalje nga flakët dhe se ishin të humbur përgjithmonë. Përsëri, pa shpresë, ata prapë shpresonin ndërsa e thërrisnin Jesusin për mëshirë.

Ne ndaluam tek gropa tjetër. Ishte njësoj si të gjitha të tjerat. Brënda saj ishte forma e një gruaje, të cilën e dallova nga zëri. Ajo e thërriste Jesusin për ta çliruar nga flakët. Jesusi e vështroi gruan me dashuri dhe tha, “Kur ishe në tokë të thirra të vish tek Unë. T’u luta që ta çoje zemrën aty ku duhej me Mua para se të ishe tepër vonë. Të visitova shumë herë në orën e mesnatës për të treguar për dashurinë Time. Unë u përpoqa të fitoja ty, të doja ty dhe të tërhiqja ty drejt Meje me anën e Shpirtit Tim."

“Po Zot,” the ti, “Do të ndjek Ty,”  Me buzët e tua ti më the se më doje Mua por zemra jote nuk e thoshte këtë. E dija se ku ishte zemra jote. Unë shpesh dërgova lajmëtarët e Mi të kërkojnë të pendoheshe për mëkatet e tua dhe të vije tek Unë, por ti nuk më dëgjoje Mua. Unë doja të përdorja ty që të shërbeje të tjerëve, ti ndihmoje të tjerët të më gjenin Mua. Por ti doje botën dhe jo Mua. Unë të thirra, por ti nuk më dëgjoje Mua, as edhe nuk pendoheshe për mëkatet e tua.”

Gruaja i tha Jesusit,”Të kujtohet, Zot, se shkoja në kishë dhe isha grua e mirë. Unë u futa me kishën. Isha anëtare e kishës Tënde. E dija se thirrjet e tua ishin mbi jetën time. E dija se duhej t'i bindesha asaj thirrje me çdo kusht dhe e bëra.”  

Jesusi tha, “Grua, akoma je plot me gënjeshtra dhe mëkate. Unë të thirra, por ti nuk më dëgjoje Mua! E vërtetë, ti ishe një anëtare e një kishe, por të jesh një anëtare kishe nuk të çon në qiell. Mëkatet e tua ishin të shumta dhe ti nuk u pendove. Ti shkaktove që të tjerët të pengohen tek Fjala Ime.Ti nuk I falje të tjerët kur ata të lëndonin. Ti pretendoje se më doje dhe më shërbeje Mua kur ishe me Kristjanët, por kur ishe larg Kristianëve, ti gënjeje, mashtroje dhe vidhje. Ti I kushtoje vëmëndje shpirtrave joshës dhe shijoje një jetë të dyfishtë. Ti e njihje udhën e drejtë dhe të ngushtë.”

“Dhe,” tha Jesusi,” ti gjithashtu kishe dhe një gjuhë të dyfishtë. Ti flisje për vëllezrit dhe motrat e tua në Krisht. Ti I gjykoje ata dhe mendoje se ti ishe më e shenjtë se ata në një kohë kur kishte mëkat të rëndë në zemrën tënde. Këtë e di se ti nuk e dëgjoje Shpirtin Tim të ëmbël të dhembshurisë. Ti gjykoje pamjen e jashtme të një personi, pa marë parasysh faktin se shumë ishin fëmijë në një besim. Ti ishe shumë e vështirë."

“Po, ti më the se Më doje  me gojë, por zemra jote ishte larg nga Unë. Ti e dije rrugën e Zotit dhe kuptoje. Ti luaje me Zotin dhe Zoti i di të gjitha gjërat. Po ti kishe shërbyer Zotit me sinqeritet, nuk do të ishe ketu sot. Ti nuk mund ti shërbesh Satanit dhe Zotit në të njëjtën kohë.”

Jesusi u kthye nga unë dhe tha, “Shumë në ditët e fundit do të largohen nga besimi, do të jepen pas shpirtrave joshës dhe do ti shërbejnë mëkatit. Dil prej tyre dhe largohu. Mos ec në të njëjtën rrugë me ata.”

Ndërsa largoheshim, gruaja filloi të mallkoj dhe të shaj Jesusin. Ajo bërtiste dhe thërriste e egërsuar. Ne vazhduam të ecim. Isha kaq e dobët fizikisht.

Në gropën tjetër ishte një formë tjetër skeleti. E ndjeva erën e vdekjes para se të arrinim atje. Ky skelet dukej njësoj si të tjerët. Pyesja veten se çfarë kishte bërë ky shpirt që ishte I humbur dhe pa shpresë, pa të ardhme përveçse një pafundësi në këtë vënd të tmerrshëm. Ferri është një përjetësi. Ndërsa dëgjoja britmat e shpirtave në mundime, edhe unë qaja.

Dëgjova kur një grua I fliste Jesusit nga flakët e gropës. Ajo citonte Fjalën e Zotit. “I dashur Zot, çfarë do ajo këtu?” e pyeta.

"Dëgjo," tha Jesusi.

Gruaja tha, “Jesusi është Rruga, e Vërteta dhe Jeta. Askush nuk vjen tek Ati përveç se përmes Atij. Jesusi është Drita e Botës. Ejani tek Jesusi dhe Ai do t’ju shpëtoj.”

Kur ajo fliste, shumë nga shpirtrat e humbur rreth saj e dëgjonin. Disa e shanin dhe e mallkonin atë. Disa I thoshin të ndalonte. Prapë të tjerët thoshin, “A ka me të vërtetë shpresë?” apo “Na ndihmo Jesus.” Britma të mëdha trishtimi mbushën ajrin. Nuk e kuptoja se çfarë po ndodhte. Nuk e dija përse gruaja po predikonte ungjillin këtu.

Zoti I dinte mendime e mia. Ai tha, “Bijë, e thirra këtë grua në moshën 30 vjeçe të predikonte Fjalën Time dhe të ishte një dëshmimtare e ungjillit. Unë thirra njerëz të ndryshëm për qëllime të ndrushme në trupin Tim. Por nëse një burrë apo një grua, djalë apo vajzë, nuk e duan Shpirtin Tim, Unë do të largohem.”

“Po, ajo ju përgjigj thirrjes Sime për shumë vjet, dhe u rrit në njohurinë për Zotin. Ajo e mësoi Zërin Tim dhe bëri shumë punë të mira për Mua. Ajo e studioj Fjalën e Zotit. Ajo lutej shpesh, dhe pati shumë përgjigje të lutjeve të saj. Ajo I mësoi shumë njerëzve rrugën e shenjtërimit. Ajo ishte besnike në shtëpinë e saj.”

“Vitet kalonin kur një ditë ajo mori vesh se burri i saj kishte mardhënie me një grua tjetër. Edhe pse ai kërkoi falje, ajo u bë më e hidhur dhe nuk e falte dhe të shpëtonte martesën. E vërtetë, burri I saj e kishte gabim, dhe ai kreu një mëkat shumë të rëndë. Por kjo grua e njihte Fjalën Time. Ajo e dinte të falte dhe e dinte se me çdo tundim ka një rrugë shpëtimi. Burri I kërkoi asaj ta falte. Ajo nuk pranonte. Por në vënd që ta falte, zemërimi zuri rrënjë tek ajo. Zemërimi u rrit brënda saj. Ajo nuk e dorëzonte atë tek Unë. Ajo bëhej më e hidhëruar çdo ditë dhe në zemër tha, ‘Ja ku jam duke I shërbyer Zotit gjatë gjithë kohës dhe burri im bredh me gra të tjera!’”

“‘A mendon se është e drejtë?’ Ajo më pyeti Mua.”

“Unë I thashë, ‘Jo, nuk është e drejtë. Por ai erdhi tek ty dhe u pendua dhe tha se nuk do ta bëj më kurrë atë’.”

“Unë I thashë asaj, ‘Bijë, shiko brënda vetes dhe shiko se ti e ke shkaktuar këtë vetë’.”

‘Jo unë, Zot,’ tha ajo.’Unë jam e shenjtë dhe ai është mëkatari’.

“Ajo nuk më dëgjonte Mua.”

 “Koha kalonte dhe ajo nuk lutej më tek Unë apo të lexonte Biblën. Ajo ishte e zemëruar jo vetëm me burrin e saj por edhe me ata që ishin pranë saj. Ajo citonte Shkrimin e Shenjtë por nuk e falte atë. Ajo nuk më dëgjonte Mua. Zemra e saj u bë e hidhur dhe I hyri mëkati I madh. Vrasja hyri në zemrën e saj atje ku më parë kishte qënë dashuria. Dhe një ditë, në inat e sipër, ajo e vrau burrin dhe atë gruan tjetër. Satani më pas mori kontroll të plotë mbi të dhe ajo vrau veten.”

E vështroja këtë shpirt të humbur që kishte hequr dorë nga Krishti dhe e kishte dënuar shpirtin e saj përgjithmonë në flakët dhe dhimbjen. E dëgjoja kur i përgjigjej Jesusit. ‘Unë do të fal tani, Zot,’ tha ajo. ‘Më lër të dal. Unë do të bindem Ty tani. Shiko, Zot, unë po predikoj Fjalën Tënde tani. Për një orë djajtë do të vijnë të më marrin të më torturojnë më keq. Për orë të tëra ata do të më torturojnë. Sepse unë predikova Fjalën Tënde, torturat e mia janë më të këqija. Të lutem, Zot, të lutem më lejo të dal.’

Unë qaja me gruan në gropë dhe I kërkova Jesusit të më mbaj larg nga hidhërimi I zemrës. “Mos e lejo urrejtjen të hyj në zemrën time, Zoti Jesus,” I thashë unë.

"Eja, le të vazhdojmë," tha Jesusi.

Në gropën tjetër ishte shpirti I një burri I mbështjellë në formën e tij prej skeleti që I thërriste Jesusit. “Zot,” thërriste ai, “më ndihmo të kuptoj përse jam këtu.”

Jesusi tha, “Paqe, pusho. Ti e kupton pse je këtu.”

“Më nxirr prej këtu dhe unë do të sillem mirë,” lutej burri.

Zoti I tha, “Madje dhe në ferr përsëri gënjen.”

Atëherë Jesusi u kthye nga unë dhe tha,”Ky burrë ishte 23 vjeç kur erdhi këtu. Nuk do ta dëgjonte ungjillin Tim. Ai e dëgjonte Fjalën Time shumë herë dhe vinte shpesh në shtëpinë Time. Unë e tërhiqja atë me Shpirtin Tim drejt shpëtimit por ai donte botën dhe joshjen e saj. Ai pëlqente të pinte dhe nuk I kushtonte vëmëndje thirrjes Sime. Ai ishte rritur në kishë por nuk donte të më përkushtohej Mua."

Një ditë ai Më tha,”Një ditë unë do ta jap Ty jetën, Jesus”. Por kjo ditë nuk erdhi kurrë. Një natë pasi kthehej nga një festë, pati një aksident me makinë dhe vdiq. Satani e mashtroi atë deri në fund. Ai vdiq në vënd. Ai nuk donte ta dëgjonte thirrjen Time. Të tjerë vdiqën në atë aksident gjithashtu. Puna e Satanit është të vrasi, vjedhi dhe shkatërroj. Vetëm po të kishte dëgjuar ky djalosh I ri! Nuk është dëshira e Hyjit që dikush të humabs. Satani e donte shpirtin e këtij njeriu dhe e shkatërroi atë me anë të pakujdesisë, makatit dhe pijes së fortë. Shumë shtëpi dhe jetë shkatërrohen çdo ditë për shkak të alkolit.”

Vetëm po të shikonin njerëzit se joshjet dhe dëshirat e botës janë vetëm për një arsye! Nëse ktheheni tek Jesu Krishti, Ai do t’ju çliroj nga pija e fortë. Thirreni Jesusin dhe Ai do t’ju dëgjoj dhe ndihmoj ju. Ai do të jetë miku juaj. Kujtoni se Ai ju do dhe se Ai gjithashtu ka fuqi të fali mëkatet tuaja.

Kristianë të martuar, Jesusi ju paralajmëron se nuk duhet të kryeni shkelje kurore. Dhe dëshira që keni për dikë me seks të kundërt, madje edhe kur nuk shkelni kurorë, mund të jetë shkelje në zemrën tuaj.

Të rinj, qëndroni larg drogës dhe mëkateve të seksit. Nëse keni mëkatuar, Zoti do t’ju fal. Thirreni Atë tani sa keni akoma kohë. Gjeni kristianë të fortë dhe kërkojini atyre nëse mund të bisedoni me ata për problemet tuaja. Do të jeni të kënaqur që I kushtoni kohë tani në botë para se të jetë tepër vonë.

Satani vjen si një ëngjël drite për të mashtruar botën. Nuk është çudi që mëkatet e botës duken joshëse tek të rinjtë, edhe kur ata e njohin Fjalën e Shenjtë të Zotit. Edhe një festë tjetër, mendoi ai, Jesusi do të kuptoj. Por vdekja nuk ka mëshirë. Ai priti shumë vonë.

E shikoja shpirtin e këtij burri dhe m'u kujtuan fëmijët e mi. “O Zot, le të shërbejnë Tu ata!” E di se shumë nga ju që lexoni këtë keni të dashurit tuaj, ndoshta femijë, që ju nuk doni që ata të shkojnë në ferr. Tregojini atyre për Jesusin para se të jetë vonë. Thuajini atyre të pendohen për mëkatet e tyre dhe se Zoti do ti fali ata dhe do ti bëj të shenjtë.

Britmat e burrit qëndruan brënda meje për ditë me radhë. Kurrë nuk do ti harroj thirrjet e tij për keqardhje. Më kujtohet mishi që I varej dhe që digjej në flakë. Nuk më harrohet kalbësira, aroma e vdekjes, gropat më vënd të syve, shpirtrat e hirtë dhë krimbat që zvarriteshin nëpër kocka. Forma e të riut zgjati duart drejt Jesusit duke u lutur ndërsa ne u larguam drejt gropës tjetër.

“I dashur Zot,” u luta unë,”Më jep forcë të vazhdoj.”

Dëgjova zërin e një gruaje që thërriste në dëshpërim. Britmat e të vdekurve ishin ngado.

Shpejt arritëm tek gropa ku ishte gruaja. Ajo I lutej me gjithë shpirt Jesusit për ta nxjerrë që andej. “Zot,” tha ajo, “a nuk kam qëndruar këtu mjaft gjatë? Mundimi im është më tepër se sa mund të mbaj. Të lutem, Zot, më lër të dal!” Rënkimet e trondisnin formën e saj dhe kaq shumë dhimbje kishte në zërin e saj. E dija se po vuante shumë.

Unë thashë, “Jesus, nuk mund të bësh asgjë?”

Pastaj Jesusi I foli gruas. “Kur ishe në tokë,” tha Ai, “Unë të thirra, të thirra që ti të vije tek Unë. T’u luta që ta kishe zemrën me Mua, të falje të tjerët, të bëje mirë dhe të qëndroje larg mëkatit. Madje të visitova në orën e mesnatës dhe të tërhiqja pas Vetes herë pas here me anën e Shpirtit Tim. Me buzët e tua ti më the se më doje Mua, por zemra jote ishte larg nga Unë. A nuk e dije se asgjë nuk mund të fshihet nga Zoti? Ti I gënjeje të tjerët por ti nuk mund të më gënjeje Mua.”

“Unë të dërgova të tjerë të tregojnë të pendohesh por ti nuk dëgjoje. Ti nuk dëgjoje, ti nuk shikoje dhe me zemërim I largoje ata. Unë të vendosa ty aty ku mund ta dëgjoje Fjalën Time. Por ti nuk ma jepje zemrën tënde Mua.”

“Ti nuk pendoheshe, as nuk të vinte turp për ato që bëje. Ti e forcove zemrën dhe më largove Mua. Tani je e humbur dhe e përfunduar përgjithmonë. Ti duhej të më kishe dëgjuar Mua.”

Pas kësaj, ajo vështroi Jesusin dhe filloi të shaj dhe të mallkoj Zotin. E ndjeva presencën e shpirtrave të ligj dhe e dija se ishin ata që shanin e mallkonin. Sa e trishtueshme është të jesh I humbur përgjithmonë në ferr! Rezistojini djallit sa të keni mundësi dhe ai do të largohet nga ju.

Jesusi tha,”bota dhe gjithçka që është në të do të humbasi, por fjalët e Mia kurrë nuk do të humbasin.”

 Kapitulli 5...