KAPITULLI 9 – Tmerret e Ferrit
E kuptova përse njerëzit në këto qeli në barkun e ferrit ishin ndryshe nga ata të tjerët në torturë. Kishte shumë gjëra që nuk i kuptoja. Thjesht dëgjoja Jesusin dhe regjistroja të gjitha ato që dëgjova dhe pashë për lavdinë e Zotit.
Me aq sa mund të shikoja, qelitë dukeshin sikur ishin në një reth të pafund. Gjendej një shpirt i vetëm në çdo qeli. Ankimet, vajet, psherëtimat dhe rënkimet vinin nga qelitë ndërsa ne ju kalonim afër.
Ne nuk kishim ecur larg kur Jesusi ndaloi para një qelie tjetër. Kur vështruam brënda, doli një dritë. (Jesusi e bënte dritën). Unë qëndroja dhe shikoja një shpirt që e dija se ishte në torturë të madhe! Ishte një grua tjetër dhe ajo ishte në ngjyrë blue në gri. Mishi i saj ishte i vdekur dhe pjesët që ishin kalbur po i binin nga kockat. Kockat e saj ishin të gjitha të djegura në të zezë të thellë, dhe akoma kishte copa nga rrobat e saj të grisura. Krimbat i dilnin nga mishi dhe kockat. Një aromë e keqe e mbushi qelinë.
Ashtu si gruaja e parë, edhe kjo ishte e ulur në një karrige lëkundëse. Ajo mbante një kukull prej lecke. Kur lëkundej, qante dhe shtrëngonte kukullën në gjoks. Dënesa të mësha e trondisnin trupin e saj dhe klithma kuje vinin nga qelia.
Jesusi më tha, “Edhe ajo ishte një shërbëtore e Satanit. Ajo ja shiti shpirtin e saj atij dhe kur ishte gjallë, praktikonte çdo lloj ligësie. Magjia është e vërtetë,” tha Jesusi.
“Kjo grua mësoi dhe praktikoj magji dhe ktheu shumë drejt udhës së mëkatit. Ata që ishin mësues të magjisë patën vëmëndjen e veçantë dhe një forcë më të madhe nga Satani, sesa ata që thjesht e praktikonin atë. Ajo ishte një fallxhore, parashikuese dhe ndërmjetëse për masterin e saj. Ajo fitoi favore të mëdha nga Satani për të gjitha ligësitë që kreu. Ajo e dinte si t'i përdorte forcat e errëta për vete dhe për Satanin. Ajo shkonte në shërbime për të adhuruar djallin dhe lavdëronte Satanin. Ajo ishte një grua e fuqishme për atë.”
Pastaj pashë se si ajo filloi të ndryshoj si gruaja tjetër. Në fillim ishte një grua plakë në vitete 1930 dhe pastaj në një grua të re në ditët e sotme. Herë pas here ajo bënte këtë transformim fantastik para syve tonë.
“Kjo grua,” tha Jesusi, “ishte njësoj si një predikues për Satanin. Ashtu si ungjilli i vërtetë na predikohet nga një ministër i vërtetë, po ashtu edhe Satani ka ministerat e tij të falsifikuar. Ajo kishte llojin më të fortë të fuqisë satanike, atë lloj që i duhej të shiste shpirtin për ta marrë. Dhuratat djallëzore të Satanit janë si ana e kundërt e monedhës ndaj dhuratave shpirtërore që Jesusi i jep besimtarëve. Kjo është fuqia e errësirës”.
“Këto punëtore të Satanit punonin në okulte, në dyqane magjie ku lexonin dorën apo në shumë mënyra të tjera. Një ndërmjetëse e Satanit është një punëtore e fuqishme satanike. Këta individë janë të mashtruar plotësisht dhe janë të shitur tërësisht tek Satani. Disa punëtorë të errësirës madje nuk mund t'i flasin Satanit nëse ndërmjetësja e tyre nuk flet në emër të tyre. Ata bëjnë sakrifica njerëzore dhe kafshësh për djallin”.
“Shumë njerëz I japin shpirtin Satanit. Ata zgjedhin t’i shërbejnë atij sesa Mua. Zgjedhja e tyre është vdekja vetëm nëse pendohen për mëkatet e tyre dhe më thërresin Mua. Unë jam I besueshëm dhe do ti shpëtoj ata nga mëkatet e tyre. Shumë e shesin shpirtin tek Satani duke menduar se do të jetojnë përgjithmonë. Por ata do të kenë një vdekje të tmerrshme”.
“Satani akoma mendon se mund ta hedhi poshtë Zotin dhe të përmbysi planin e Zotit, por ai u mund në kryq. Unë I morra çelësat nga Satani dhe kam gjithë fuqinë në qiell dhe në tokë”.
“Pasi kjo grua vdiq, ajo shkoi drejt e në ferr. Djajtë e sollën para Satanit, ku e zemëruar ajo pyeste përse djajtë kanë kontroll mbi atë, sepse në tokë ajo mendonte se I kontrollonte ata. Atje ata kanë bërë sipas kërkesës së saj. Gjithashtu ajo e pyeti Satanin për mbretërinë që I kishte premtuar asaj”.
“Satani vazhdonte ta gënjente edhe pas vdekjes së saj në tokë. Ai tha se do ta kthente atë në jetë dhe do ta përdorte përsëri për qëllimet e tij. Me mashtrim, ajo I fitoi atij shumë shpirtra, kështu që gënjeshtrat e tij ju dukën asaj të arsyeshme. Por në fund, Satani kishte qeshur dhe e kishte qorturar atë. Ai I tha asaj, ‘Unë të mashtrova dhe të përdora ty gjithë këto vite. Unë kurrë nuk do ta jap ty mbretërinë time’.”
Djalli tunde krahët drejt gruas dhe dukej sikur mishi I binte nga kockat. Ajo ulërinte nga dhimbja kur një libër I madh I zi u soll për Satanin. Ai e hapi dhe çonte gishtin nëpër faqet deri sa gjeti emrin e saj.
“Oh, po,” tha Satani, “ ti më shërbeve mirë në tokë. Ti më solle më shumë se 500 shpirtra.” Ai e gënjeu dhe I tha, “Dënimi yt nuk do të jetë aq I keq sa të tjerët.”
Një kakarisje e të qeshurës djallëzore shpërtheu. Satani qëndronte dhe drejtoi gishtin tek gruaja dhe një erë e madhe u ngrit dhe mbushi vëndin. Një tingull si një bubullimë ulëritëse doli prej tij.
“Ha-ha,” tha djalli, “merre mbretërinë tënde nëse mundesh.” Pastaj një forcë e padukshme e përplasi atë në tokë.
“Ti do të më shërbesh mua këtu gjithashtu,” qeshte Satani kur ajo po përpiqej të ngrihej. Gruaja ulërinte nga dhimbja kur mishi vazhdonte ti shqyhej nga kockat prej djajve. Ajo u tërhoq zvarrë në qelinë e saj. Ajo I mbante mënd premtimet e Satanit. Ai I kishte thënë se ajo do të kishte gjithë fuqinë. Ai I kishte thënë se ajo kurrë nuk do të vdiste. Ai I kishte thënë se ai kishte fuqi mbi jetën dhe vdekjen dha ajo I kishte besuar. Asaj I ishte thënë se Satani mund të ndaloj çdo gjë që mund ta vrasi atë. Satani I tha asaj shumë gënjeshtra dhe I premtoi shumë gjëra.
Jesusi tha, “Unë erdha të shpëtoj të gjithë njerëzit. Dëshiroj që të gjithë ata që janë të humbur të pendohen dhe të thërresin emrin Tim. Nuk është vullneti Im që ata të humbasin, por të kenë jetën e përjetshme. Është e trishtueshme të themi se shumica nuk do të pendohen për mëkatet e tyre para se të vdesin dhe ata do të shkojnë në ferr. Por rruga drejt Qiellit është e njëjtë për të gjithë njerëzit. Ju duhet të keni lindur përsëri që të hyni në mbretërinë e Zotit. Ju duhet të vini tek Ati në emrin Tim dhe të pendoheni për mëkatet tuaja. Ju duhet që sinqerisht t'ja jepni zemrën Zotit dhe t'i shërbeni Atij.”
“Bijë,” vazhdoi Jesusi, “gjëja tjetër që do të zbuloj ty është akoma dhe më e tmerrshme. E di se do të brengosi. Gjithashtu, Unë dua që bota të dëgjoj dhe ta di se çfarë Shpirti i thotë kishave. Në këto qeli, me aq sa sheh, janë shpirtrat në torturë. Sa herë që qelitë janë mbushur, ferri zmadhohet për të marrë më shumë shpirtra. Ju I keni të gjitha shqisat në ferr. Dhe nëse je I verbër në tokë, do të jesh I verbër në ferr. Nëse ke vetëm një krah në tokë, do të kesh vetëm një krah në ferr.”
Unë duhet t’ju them të pendoheni, sepse ferri është një vënd I tmerrshëm, një vënd I frikshëm, një vënd me trishtim të tmerrshëm dhe britma të pafund pendimi. Ju lutem të besoni se çfarë ju them sepse është e vërtetë. Kjo ishte kaq e vështirë për mua saqë isha e sëmurë shumë herë gjatë pregatitjes së kësaj dëshmie. Pashë gjëra në ferr që janë tepër të tmerrshme për tu treguar – madje dhe më të tmerrshme se kujat e torturës, aroma e mishit të kalbur dhe tmerri I zjarreve në ferr me ato gropat e thella. Gjithashtu pashë gjëra që Zoti nuk do të më linte t’i shkruaja.
Kur ju vdisni në tokë dhe nëse keni lindur përsëri me Shpirtin e Zotit ( Pagëzimi), shpirti juaj shkon në Qiell. Nëse jeni mëkatar kur vdisni, shkoni menjëherë në ferrin që digjet. Djajtë me zinxhira të mëdhenj do ta tërheqin shpirtin tuaj përmes portave të ferrit, ku do të hidheni në gropa dhe do të torturoheni. Me kalimin e kohës do të silleni para Satanit. Ju do ti dini dhe ndjeni të gjitha gjërat që do tju ndodhin në ferr.
Jesusi më tregoi se është një vënd në ferr që quhet “qëndra e argëtimit”. Shpirtrat që janë mbyllur në gropa nuk mund të sillen këtu. Ai më tha gjithashtu se edhe pse torturat ndryshojnë për shpirtra të ndryshëm, ata të gjithë digjen me zjarr.
'Qëndra e argëtimit' është në formën e një arene cirku. Njerëz të ndryshëm që do të jenë argëtuesit sillen në mes të qëndrës së argëtimit. Këta janë ata njerëz që duke e ditur I shërbenin Satanit në tokë. Ata janë ata që me vullnetin e tyre të lirë zgjodhën të ndjekin Satanin në vënd të Zotit. Rreth anëve të arenës janë shpirtrat e tjerë, përveç atyre që janë në gropat.
Ata që janë në mes të arenës ishin drejtues të botës së okulteve para vdekjes së tyre. Ata ishin magjistarë, ndërmjetës, fallxhorë, lexues mëndje, shtriga – të gjithë ata që me ndërgjegje zgjodhën ti shërbejnë Satanit.
Kur ata ishin gjallë në tokë, mashtruan shumë dhe bën që ata të ndjekin Satanin dhe të mëkatonin. Ata që janë mashtruar dhe që u shtynë të bien në mëkat, vijnë dhe i torturojnë mashtruesit e tyre. Një nga një ata janë të lejuar ti torturojnë ata.
Në një torturë të tillë, kockat shpirtërorë janë hequr veç e veç dhe digjen në pjesë të ndrushme të ferrit. Shpirti është me plot kuptimin e fjalës i shqyer copë copë dhe pjesët I janë shpërndarë nëpër ferr në një lloj gjuetie të egër djajsh. Shpirtrat e gjymtuar ndjejnë dhimbje të padurueshme. Ata që janë jashtë arenës mund t'ju hedhin gurë atyre që janë në arenë. Çdo metodë torture e imagjinueshme është e lejuar. Shpirtrat që torturohen kërkojnë vdekjen, por kjo është vdekja e përjetshme. Satani i jep urdhërat për të gjitha këto të bëhen. Kjo është qëndra e tij e argëtimit.
Jesusi tha, “Unë I mora çelësat e ferrit nga Satani shumë vite më parë. Unë erdha dhe I hapa këto qeli dhe lashë të dalin njerëzit e Mi. Sepse në kohën e Testamentit të Vjetër para se Unë të jepja jetën Time bë kryq, parajsa ishte vendosur afër ferrit. Këto qeli ishin dikur në parajsë; tani Satani I përdor ato për qëllimet e tij të liga dhe ka krijuar më shumë nga ato.”
“O lexues, a do të pendohesh për mëkatet e tua para se të jetë përjetësisht tepër vonë? Sepse të gjithë do të vijnë para Meje në gjykim. Parajsa u largua nga pozicioni I vet pranë ferrit kur Unë vdiqa dhe u ringjalla me fuqinë e Zotit, Atit Tim.”
Përsëri, unë po ju them se këto qeli, që janë 17 (27.4 km) milje të larta, shërbejnë si një burg për ata që dikur ishin punëtorët e errësirës për Satanin , ata që ishin përfshirë në çdo lloj mëkati që kishte të bënte me fuqinë djallëzore, okultet dhe adhurimin satanik.
Jesusi tha, “Eja, Unë dua të tregoj diçka.”
Menjëherë ishim rreth një gjysëm milje lart në ajër, në qëndër të barkut të ferrit, dhe në qëndër të bllokut të qelive prej 17 milje të lartë. Dukej sikur ishim në një pus, ku as fillimi dhe as fundi nuk dukej prej errësirë. Një dritë e verdhë filloi të mbushte vëndin. Unë mbaja fort dorën e Jesusit.
“I dashur Zot,” pyeta unë, “përse jemi këtu?”
Papritur erdhi një erë me forcën e një stuhie dhe një zhurmë e fortë nxitimi. Flakë të mëdha zjarri filluan të ngjiteshin anëve të mureve të qelive, duke djegur çdo gjë që gjenin përpara. Flakët arrinin brënda çdo qelie duke sjellë pritma të vajtueshme dhimbje dhe dëshpërimi. Edhe pse Jesusi dhe unë nuk prekeshim nga flakët, frika më mblidhej përbrënda kur shikoja shpirtrat e humbur që vraponin në pjesën e pasme të qelisë duke u përpjekur të gjenin një vënd për tu fshehur.
Një tingull djallëzor filloi të dilte nga e majta jonë. Unë vështrova dhe pashë Satanin që qëndronte me kurriz ndaj nesh dhe ishte I gjithi në flakë. Por ai nuk po digjej; por ishte ai që e shkaktonte zjarrin. Tani qëndronte I përpirë nga flakët, duke shijuar britmat e atyre shpirtrave të shkretë dhe të humbur.
Kur Satani lëvizte krahët, topa të mëdhenj zjarri dilnin prej tij. Britmat që të copëtonin zemrën dhe dënesa të mëdha dhimbje vinin nga qelitë. Shpirtrat brënda po digjeshin të gjallë nga ky zjarr më I nxehtë se liqeni I nxehtë dhe përsëri nuk mund të vdisnin. Djajtë, gjithashtu, bashkoheshin duke qeshur kur Satani shkonte nga një qeli në tjetrën, duke torturuar të humburit.
Jesusi tha, “Satani ushqehet në ligësi. Ai lavdërohet në dhimbje dhe vuajtje dhe fiton fuqi prej saj.”
E pashë Satanin si një flakë të kuqërremtë në të verdhë dhe anesoret në ngjyrë kafe që ngriheshin rreth tij. Një erë e fortë dhe e stuhishme I frynte veshjet e tij te cilat nuk digjeshin. Aroma e mishit të djegur e mbushte ajrin dhe e kuptova menjëherë se tmerret e ferrit janë të vërteta. Satani ecte përmes flakëve dhe ato nuk mund ta digjnin atë. Edhe pse pashë vetëm kurrizin e tij, mund të dëgjoja qeshjen e tij djallëzore ngado.
Pashë se si Satani u ngrit në një mjergull tymi, duke e marrë zjarrin lart me vete ne majë të barkut të ferrit. Dëgjova se si ai u kthye dhe me zë të lartë deklaroi se nëse këta shpirtra nuk e adhuronin atë, ai do ti çonte me radhë në ‘qëndrën e argëtimit’.
“Jo, të lutemi, Satan, ne do të adhurojmë ty,” bërtisnin ata me një zë dhe të gjithë filluan të përkulen në adhurim ndaj djallit. Dhe sa më shumë e adhuronin, aq më e madhe bëhej dëshira e tij për adhurim. Fortë e më fortë dëgjoheshin tingujt e lavdërimit deri sa këmbanat e ferrit filluan të bien me zhurmë.
Jesusi tha, “Të gjithë ata që janë në qelitë e ferrit e dëgjuan ungjillin e vërtetë kur ishin gjallë në tokë. Shumë herë shpëtimi Im ju ofrua atyre. Shumë herë Shpirti Im I tërhiqte ata, por ata nuk përuleshin apo të vinin tek Unë për shpëtim.”
Ndërsa Jesusi fliste, Satani po ju thoshte subjekteve të veta, “Ha-ha, kjo është mbretëria juaj – e gjithë mbretëria që do të keni përherë. Mbretëria ime mbulon gjithë tokën dhe botën poshtë.” E dëgjoja tek bërtiste, “Kjo është jeta juaj përjetësisht!” Dhe thirrje pendimi vinin nga qelitë që digjeshin.
Jesusi tha, “Shpëtimi Im është falas. Kushdo që dëshiron, le të vij dhe të shpëtoj nga ky vënd I ndëshkimit të përjetshëm. Unë nuk do ta hedh jashtë. Nëse ke qënë një shtrigë apo magjistar, madje dhe po të kesh bërë marrëveshje me djallin, fuqia Ime do ta thyej atë dhe gjaku Im I derdhur do të shpëtoj ty. Unë do ta heq mallkimin e lig nga jeta juaj dhe do të shpëtoj nga ferri. Më jep Mua zemrën tënde që Unë të zgjidh nga zinxhirët dhe të bëj të lirë.”
No comments:
Post a Comment